سيادة الرئيس من أنت ؟
كتب أحمد علي
إلي الأن مش قادر أستوعب أن وزير الدفاع اللي أختاره الأخوان بمحض إرادتهم
وسوقوه لينا على أنه أخواني.. هو اللي عزلهم وكان السبب في أنقاذ مصر من هذا الكابوس؟
أزاي فلت من مؤامرة جر مصر لمجلس الأمن بعد عزل الأخوان وأحداث رابعة؟
وأزاي العرب جتلهم الجرأة على غير العادة أنهم يتحدوا إرادة أمريكا والغرب عشان يدعموك ؟
مش غريبه أنهم في الوقت اللي بيحاصروك فيه أقتصاديا..
تقوم تكتشف أكبر أحتياطي غاز بالعالم في أرضك.
مش غريبه أنهم يمولوا سد النهضة عشان يعملوا على مصر حصار مائي.
يقوم الفيضان ييجي ويملا السد العالي ويفيض في سابقة لم تحدث من 100 عام .
مش غريبه أن الغرب لما قال أنك مش قادر تسيطر على الأرهاب في مصر .
الأرهاب يضربهم في أكبر المدن الأوربية.
مش غريبة أن أغلب الشباب اللي أتصوروا جنبك فازو بميداليات في الأولمبياد.
مش غريبة أن المرشح الأمريكي للرئاسة اللي وصفته بأنه هيكون زعيم قوي
هو اللي يفوز بالمنصب عكس كل التوقعات.
مش غريبة رغم كل المؤامرات والعراقيل اللي بتتعمل في سكتك
( لبن أطفال – رز – سكر – أرتفاع الدولار – ضرب سياحة – أرهاب – أشاعات)
كل ده ولسة قادر تخطيهم وتكمل وتبني وتعمر في بلدك..؟؟
يا راجل دي لأول مرة في التاريخ المعارضة بدل ما تسألك بتودي الفلوس فين
بقوا يقولولك بتجيب فلوس المشاريع دي منين؟
أنت مين يا عم؟… ومين دعالك؟.. وليه دعالك؟… وبأيه دعالك؟تحياتي لك يا سيادة الرئيس وتحيا مصر بك
🇪🇬🌷🇪🇬
